ടൊവിനോ കല്യാണി കേന്ദ്ര കഥാപാത്രങ്ങളായി എത്തുന്ന ചിത്രം തല്ലുമാല. ഓഗസ്റ്റ് 12നാണ് തിയേറ്ററുകളില്.
|
|
Written By
|
News
ടൊവിനോ തോമസും കല്യാണി പ്രിയദര്ശനും കേന്ദ്ര കഥാപാത്രങ്ങളായി എത്തുന്ന ചിത്രമാണ് തല്ലുമാല. ഓഗസ്റ്റ് 12നാണ് ചിത്രം തിയേറ്ററുകളില് എത്തുക. ടൊവിനോയും കല്യാണിയും ആദ്യമായി ഒന്നിക്കുന്ന ചിത്രമാണ് തല്ലുമാല. ഇപ്പോള് ഇതാ ചിത്രത്തിന്റെ സെന്സറിംഗ് നടപടികള് പൂര്ത്തിയായിരിക്കുകയാണ്. ക്ലീന് യു/എ സര്ട്ടിഫിക്കറ്റ് ആണ് ചിത്രത്തിന് ലഭിച്ചിരിക്കുന്നത്.
ആഷിഖ് ഉസ്മാന് പ്രൊഡക്ഷന്സിന്റെ ബാനറില് ആഷിഖ് ഉസ്മാന് നിര്മ്മിക്കുന്ന ചിത്രം സംവിധാനം ചെയ്യുന്നത് ഖാലിദ് റഹ്മാനാണ്. ചിത്രത്തിന്റെ ഷൂട്ടിംഗ് പ്രധാനമായും ദുബായിയിലാണ് നടത്തിയത്. ചിത്രത്തിന്റെ പോസ്റ്ററുകളും മറ്റും സാമൂഹിക മാധ്യമങ്ങളില് വൈറല് ആയിരുന്നു.
ചിത്രത്തിന്റെ തിരക്കഥ ഒരുക്കിയിരിക്കുന്നത് മുഹ്സിന് പരാരിയും അഷ്റഫ് ഹംസയും ചേര്ന്നാണ് . വിതരണം - സെന്ട്രല് പിക്ചേര്സ്. ഷൈന് ടോം ചാക്കോ, ജോണി ആന്റണി, ബിനു പപ്പു, ലുക്കമാന് അവറാന് തുടങ്ങി ഒരു നീണ്ട താരനിര തന്നെ ചിത്രത്തിലുണ്ട്. ജിംഷി ഖാലിദ് ആണ് ഛായാഗ്രാഹകന്.
സംഗീതം - വിഷ്ണു വിജയ്, കൊറിയോഗ്രാഫര് - ഷോബി പോള്രാജ്, സംഘട്ടനം - സുപ്രിം സുന്ദര്, കലാ സംവിധാനം - ഗോകുല് ദാസ്, ശബ്ദ മിശ്രണം - വിഷ്ണു ഗോവിന്ദ് & ശ്രീ ശങ്കര്, മേക്കപ്പ് - റോണക്സ് സേവ്യര്, വസ്ത്രാലങ്കാരം - മഷര് ഹംസ, ചീഫ് അസ്സോസിയേറ്റ് - റഫീക്ക് ഇബ്രാഹിം & ശില്പ അലക്സാണ്ടര്, പ്രൊഡക്ഷന് കണ്ട്രോളര് - സുധര്മ്മന് വള്ളിക്കുന്ന്, സ്റ്റില്സ് - ജസ്റ്റിന് ജെയിംസ്, വാര്ത്താപ്രചാരണം - എ എസ് ദിനേശ്, പോസ്റ്റര് - ഓള്ഡ്മോങ്ക്സ്, മീഡിയ പ്ലാനിങ് & മാര്ക്കറ്റിങ് ഡിസൈനിംഗ് - പപ്പെറ്റ് മീഡിയ.
Related Stories
See All
Latest Update
