രണ്ട് അസുഖങ്ങളോട് പോരാടുകയാണെന്ന് ശ്രുതി ഹാസന്‍
|
|
Written By
|
News
തെന്നിന്ത്യന്‍ സിനിമാ പ്രേക്ഷകരുടെ ഹൃദയം കവര്‍ന്ന നടിയാണ് ശ്രുതി ഹാസന്‍. സമൂഹ മാധ്യമങ്ങളില്‍ സജീവമായ ശ്രുതി തന്റെ ഏറ്റവും പുതിയ ഫോട്ടോകളും വീഡിയോകളുമെല്ലാം ആരാധകരുമായി പങ്കുവെയ്ക്കാറുണ്ട്. എന്നാല്‍, ശ്രുതി ഹാസന്‍ ഇപ്പോള്‍ നടത്തിയിരിക്കുന്ന വെളിപ്പെടുത്തല്‍ ആരാധകരെ ആശങ്കയിലാക്കിയിരിക്കുകയാണ്.
രണ്ട് അസുഖങ്ങളോട് പോരാടുകയാണെന്നാണ് ശ്രുതി ഹാസന്റെ വെളിപ്പെടുത്തല്‍. അടുത്തിടെ ശ്രുതി തന്റെ ഒരു വര്‍ക്കൗട്ട് വീഡിയോ ഇന്‍സ്റ്റഗ്രാമില്‍ പങ്കുവച്ചിരുന്നു. രണ്ട് അസുഖങ്ങളുമായുള്ള പോരാട്ടത്തിലാണ് താനെന്നായിരുന്നു വീഡിയോക്ക് അടിക്കുറിപ്പ് നല്‍കിയത്. പിസിഒഡിയെക്കുറിച്ചും എന്‍ഡോമെട്രിയോസിസിനോടുമുള്ള പോരാട്ടത്തെ കുറിച്ചും ശ്രുതി ഹാസന്‍ സംസാരിച്ചു.
'എന്റെ ശരീരം ഇപ്പോള്‍ പൂര്‍ണമല്ല, പക്ഷേ എന്റെ ഹൃദയം നിറഞ്ഞിരിക്കുന്നു. ഫിറ്റ്നസ് നിലനിര്‍ത്തുക, സന്തോഷത്തോടെ മുന്നോട്ട് പോകുക, സന്തോഷകരമായ ഹോര്‍മോണുകള്‍ ഒഴുകട്ടെ! ഈ വെല്ലുവിളികള്‍ സ്വീകരിക്കാനും എന്നെ നിര്‍വചിക്കാന്‍ അവരെ അനുവദിക്കാതിരിക്കാനുമുള്ള ഒരു യാത്രയാണിത്. ശ്രുതി പറഞ്ഞു. പ്രഭാസ് നായകനായ സലാര്‍ ആണ് ശ്രുതിയുടെ ഉടന്‍ പുറത്തിറങ്ങാന്‍ പോകുന്ന ചിത്രം.
Related Stories
See All
Latest Update
