ഭാസിപ്പിള്ള യ്ക്ക് കലാഭവന്‍ മണിയുടെ അവാര്‍ഡ്: നന്ദി പറഞ്ഞ് ഷൈന്‍ ടോം ചാക്കോ
|
|
Written By
|
News
മികച്ച നടനുള്ള കലാഭവന്‍ മണി മെമ്മോറിയല്‍ പുരസ്‌കാരം നേടിയിരിക്കുകയാണ് ഷൈന്‍ ടോം ചാക്കോ. ദുല്‍ഖര്‍ സല്‍മാന്‍ നായകനായ കുറുപ്പിലെ ഭാസിപ്പിള്ള എന്ന കഥാപാത്രത്തിനാണ് ഷൈന്‍ ടോമിന് അവാര്‍ഡ് ലഭിച്ചത്. ഇപ്പോള്‍ ഇതാ തനിയ്ക്ക് പുരസ്‌കാരം സമ്മാനിച്ച അവാര്‍ഡ് കമ്മിറ്റിയ്ക്ക് താരം സമൂഹ മാദ്ധ്യമങ്ങളിലൂടെ നന്ദി പറഞ്ഞിരിക്കുകയാണ്.
നടന്‍ ഗുരു സോമസുന്ദരമാണ് ഷൈന്‍ ടോമിന് അവാര്‍ഡ് സമ്മാനിച്ചത്. കുറുപ്പിലെ ഭാസി പിള്ള എന്ന നെഗറ്റീവ് ടച്ചുള്ള കഥാപാത്രത്തിനാണ് അവാര്‍ഡ്. ഈ കഥാപാത്രത്തിനെ സംസ്ഥാന ചലച്ചിത്ര പുരസ്‌കാരങ്ങളില്‍ നിന്ന് തഴഞ്ഞതില്‍ ഷൈന്‍ പരസ്യമായി പ്രതിഷേധം അറിയിച്ചിരുന്നു.
കഴിവുള്ളവരെ അഗണിക്കുന്നതിന്റെ വേദന കുറുപ്പിനെ പുരസ്‌കാരത്തില്‍ പരിഗണിക്കാതിരുന്നപ്പോള്‍ മനസിലായിട്ടുണ്ടാകുമല്ലോ എന്ന് ദുല്‍ഖറിനോടായി ഷൈന്‍ ടോം ചോദിച്ചിരുന്നു. എന്നാല്‍ സംസ്ഥാന പുരസ്‌ക്കാരത്തില്‍ തഴഞ്ഞെങ്കിലും മലയാളികളുടെ മണി ചേട്ടന്റെ പേരിലുള്ള പുരസ്‌ക്കാരം അതിനേക്കാളും വലുതാണെന്നാണ് സോഷ്യല്‍ മീഡിയയില്‍ ഉയരുന്ന അഭിപ്രായം.
അച്ചു വിജയന്‍ സംവിധാനം ചെയ്യുന്ന വിചിത്രമാണ് ഷൈന്‍ ടോം ചാക്കോയുടെതായി അണിയറയില്‍ ഒരുങ്ങുന്ന ഏറ്റവും പുതിയ ചിത്രം. കനി കുസൃതി ആണ് നായിക. ബാലുവര്‍ഗീസ്, ജോളി ചിറയത്ത്, ലാല്‍, കേതകി നാരായണന്‍,സിനോജ് വര്‍ഗീസ്, അഭിരാം രാധാകൃഷ്ണന്‍, ജെയിംസ് ഏലിയ, തുഷാരപിള്ള, ബിബിന്‍ പെരുമ്പിള്ളി, എന്നിവരാണ് മറ്റു താരങ്ങള്‍.
രചന: നിഖില്‍ രവീന്ദ്രന്‍, ജോയ് മൂവി പ്രൊഡക്ഷന്‍സിന്റെ ബാനറില്‍ ഡോക്ടര്‍ അജിത്ത് ജോയും അച്ചു വിജയനും ചേര്‍ന്നാണ് നിര്‍മ്മാണം. അര്‍ജുന്‍ ബാലകൃഷ്ണന്‍ ഛായാഗ്രഹണവും മിഥുന്‍ മുകുന്ദന്‍ സംഗീതസംവിധാനവും നിര്‍വഹിക്കുന്നു. സ്ട്രീറ്റ് അക്കാദമിക്സ് എന്ന മ്യൂസിക് ബാന്‍ഡ് ചിത്രത്തിന്റെ ഭാഗമാണ്. പ്രൊഡക്ഷന്‍ കണ്‍ട്രോളര്‍ ദീപക് പരമേശ്വരന്‍, എഡിറ്റര്‍: അച്ചു വിജയന്‍. കോ - ഡയറക്ടര്‍ സുരജ് രാജ്, ക്രിയേറ്റീവ് ഡയറക്ടര്‍: ആര്‍. അരവിന്ദന്‍, പ്രൊഡക്ഷന്‍ ഡിസൈനര്‍: റെയ്‌സ് ഹൈദര്‍ ആന്‍സ് അനസ് റഷാദ്. പി.ആര്‍. ഒ ആതിര ദില്‍ജിത്ത്.
പന്ത്രണ്ട്, അടിത്തട്ട് എന്നീ ചിത്രങ്ങളാണ് ഷൈന്‍ ടോം ചാക്കോയുടേതായി ഒടുവില്‍ പുറത്തിറങ്ങിയത്.
Related Stories
See All
Latest Update
