News

ഹൈവേ 2 ഉറപ്പായതോടെ മമ്മൂട്ടി നായകനായ ജോണി വാക്കറിന്റെ രണ്ടാം ഭാഗം ഉണ്ടാകുമോയെന്ന ആകാംക്ഷയിലായിരുന്നു ആരാധകര്‍. ഇപ്പോള്‍ ഇതാ ജോണി വാക്കറിന്റെ രണ്ടാം ഭാഗവും വരുമെന്ന് ഉറപ്പ് നല്‍കിയിരിക്കുകയാണ് സംവിധായകന്‍. മനോരമയ്ക്ക് നല്‍കിയ അഭിമുഖത്തിലാണ് ജയരാജ് ഇക്കാര്യം വ്യക്തമാക്കിയത്. 

പ്രേക്ഷകരുടെ പ്രതികരണം ഞങ്ങള്‍ക്ക് വലിയ പ്രചോദനമാണ് നല്‍കുന്നത്. ഇത്രയധികം ആവേശം ഉണ്ടാകുമെന്ന് പ്രതീക്ഷിച്ചിരുന്നില്ല. ഹൈവേയ്ക്കും ജോണി വാക്കറിനും രണ്ടാം ഭാഗം ഉണ്ടാകുമോയെന്ന് എന്നോട് പലരും പലവട്ടം ചോദിച്ചിട്ടുണ്ട്. ജോണിവാക്കര്‍ രണ്ടാം ഭാഗം ആലോചിച്ചിരുന്നെങ്കിലും ആദ്യം വരുന്നത് ഹൈവേ - 2 ആയിരിക്കും. ജയരാജ് പറഞ്ഞു.