മലർവാടി ആർട്സ് ക്ലബ് സ്ക്രീനിൽ എത്തിയിട്ട് 12 വർഷം. സന്തോഷം പങ്കുവച്ച് അജുവും നിവിനും
|
|
Written By
|
News
മലർവാടി ആർട്സ് ക്ലബ് എന്ന ചിത്രം സ്ക്രീനിൽ എത്തിയിട്ട് 12 വർഷം. മലയാള സിനിമയ്ക്ക് അഞ്ച് പുതുമുഖ നടന്മാരെ സമ്മാനിച്ച ചിത്രം സംവിധാനം ചെയ്തത് വിനീത് ശ്രീനിവാസനാണ്. നിവിൻ പോളി, അജു വർഗീസ് എന്നിവർ ഉൾപ്പടെ മറ്റ് മൂന്ന് പുതുമുഖങ്ങളും മലയാള സിനിമയിലേക്ക് എത്തിയിട്ട് 12 വർഷം തികയുകയാണ്. ഈ അവസരത്തിൽ സന്തോഷം പങ്കുവയ്ക്കുകയാണ് നിവിനും അജുവും.
പ്രകാശൻ എന്ന തന്റെ കഥാപാത്രത്തിന്റെ പേര് സ്ക്രീനിൽ തെളിഞ്ഞതിന്റെ ഫോട്ടോയാണ് നിവിൻ സമൂഹമാധ്യമങ്ങളിൽ പങ്കുവച്ചിരിക്കുന്നത്. 'എല്ലാ ഗുരുക്കന്മാർക്കും പ്രേക്ഷകർക്കും ദൈവത്തിനും നന്ദി..', എന്നാണ് ചിത്രങ്ങൾ പങ്കവച്ച് അജു വർഗീസ് കുറിച്ചത്. സിനിമയിലെ ഒരു ഡയലോഗ് വീഡിയോയും അജു പങ്കുവച്ചിട്ടുണ്ട്.
ഉത്തരമലബാറിലെ മനശ്ശേരി ഗ്രാമത്തിലെ മലർവാടി ആർട്സ് ആന്റ് സ്പോർട്സ് ക്ലബ്ബിലെ അംഗങ്ങളായ അഞ്ചു സുഹൃത്തുക്കളുടെ സുഹൃദ്ബന്ധത്തിന്റെ കഥയാണ്‌ ഈ ചിത്രം പറയുന്നത്.
പുതുമുഖങ്ങളെക്കൂടാതെ ജഗതി ശ്രീകുമാർ, സലീം കുമാർ, നെടുമുടി വേണു, സുരാജ് വെഞ്ഞാറമൂട് എന്നിവരും ഈ ചിത്രത്തിൽ അഭിനയിക്കുന്നു
Related Stories
See All
Latest Update
