News

തെലുങ്ക് സൂപ്പർസ്റ്റാർ നാനിയെ നായകനാക്കി രാഹുൽ സംകൃത്യൻ സംവിധാനം ചെയ്ത ചിത്രമായിരുന്നു ശ്യാം സിംഗ റോയ്  .സായ് പല്ലവി ആണ് ചിത്രത്തില്‍ നായികയായി എത്തിയത്. ഇപ്പോളിതാ ചിത്രം ഓസ്‍കര്‍ അവാര്‍ഡിനുള്ള നോമിനേഷനിനായി മത്സരിക്കുന്നു എന്ന സന്തോഷ വാർത്തയാണ് പുറത്ത് വരുന്നത്. മൂന്ന് വിഭാഗങ്ങളിലെ ഓസ്‍കര്‍ നോമിനേഷനു വേണ്ടിയാണ് ചിത്രം അയച്ചിരിക്കുന്നത്.

പീരിയോഡിക് ഫിലിം, പശ്ചാത്തല സംഗീത, ക്ലാസ്സിക്കല്‍ കള്‍ച്ചറല്‍ ഡാൻസ് ഇൻഡി ഫിലിം എന്നീ വിഭാഗത്തിലെ ഓസ്‍കര്‍ നോമിനേഷനു വേണ്ടിയാണ് മത്സരിക്കുക. ബംഗാള്‍- തെലുങ്ക് ഇതിഹാസ എഴുത്തുകാരനായ '  ശ്യാം സിംഗ റോയ് ' ആയിട്ടും 'വാസു' എന്ന ചലച്ചിത്രകാരനായും 

ഇരട്ട വേഷത്തില്‍ ആയിരുന്നു നാനി  ചിത്രത്തില്‍ അഭിനയിച്ചത്.'റോസി' എന്ന കഥാപാത്രമായിട്ടായിരുന്നു സായ് പല്ലവി അഭിനയിച്ചത്.

ചിത്രത്തിലെ ഗാനങ്ങളും സായിപല്ലവിയുടെ നൃത്തവും ഏറെ ശ്രദ്ധിക്കപ്പെട്ടിരുന്നു. ഗാനങ്ങള്‍ എഴുതിയത് സിരിവെന്നെലെ സീതാരാമ ശാസ്‍ത്രിയാണ്. മിക്കി ജെ മെയർ ആണ് ചിത്രത്തിന്റെ സംഗീത സംവിധായകൻ.നിഹാരിക എന്റർടൈൻമെന്റിന്റെ ബാനറിലാണ് ചിത്രത്തിന്റെ നിര്‍മാണം. അവിനാശ് കൊല്ല ആണ് ചിത്രത്തിന്റെ പ്രൊഡക്ഷൻ ഡിസൈനർ. എസ് വെങ്കട്ട രത്‍നമാണ് ചിത്രത്തിന്റെ സഹനിര്‍മാതാവ്. മഡോണ സെബാസ്റ്റ്യൻ, രാഹുൽ രവീന്ദ്രൻ, മുരളി ശർമ്മ, അഭിനവ് ഗോമതം, ജിഷു സെൻ ഗുപ്‍ത, ലീലാ സാംസൺ, മനീഷ് വാദ്വ, ബരുൺ ചന്ദ എന്നിവരാണ് മറ്റു അഭിനേതാക്കൾ.