Photo-Shoot

മലയാളികളുടെ പ്രിയനടിമാരിൽ ഒരാളാണ് നിഖില വിമൽ. താരം പങ്കുവയ്ക്കുന്ന ചിത്രങ്ങളൊക്കെയും സോഷ്യൽ മീഡിയയുടെ മനം കവരാറുണ്ട്.

മിക്കപ്പോഴും ഫോട്ടോഷൂട്ടുകളും താരം നടത്താറുണ്ട്. നിഖിലയുടെ ഡ്രസിങ് സെൻസും ഫാഷൻ സ്റ്റേറ്റ്മെന്റുകളുമെല്ലാം ശ്രദ്ധിക്കപ്പെടാറുമുണ്ട്. ഇപ്പോൾ മോഡേണും നാടനും കൂടി കോർത്തിണക്കിയ ഒരു ഫോട്ടോഷൂട്ടുമായെത്തിയിരിക്കുകയാണ് നിഖില.

ഇത്തവണ പല നിറത്തിലെ പോൽക്ക ഡോട്സുള്ള സാരിയിലാണ് നിഖില തിളങ്ങിയിരിക്കുന്നത്. വെള്ള നിറമാണ് സാരിയ്ക്ക്. മൾട്ടി കളർ പോൽക്ക ഡോട്ട് കൂടി വന്നതോടെ സാരിയുടെ ഭംഗി കൂടി.

ഏകദേശം മൂവായിരത്തോളം രൂപ വിലമതിക്കുന്ന സാരിയാണിത്. അരുൺ പയ്യാടിമീത്തൽ ആണ് ചിത്രങ്ങൾ പകർത്തിയിരിക്കുന്നത്.

സിംപിൾ മേക്കപ്പ് അണിഞ്ഞ് നാടൻ ലുക്കിലാണ് നിഖില. കൈയ്യിൽ കറുപ്പ് നിറത്തിലെ കുപ്പി വളകളും താരം ധരിച്ചിട്ടുണ്ട്.

നിഖില തന്നെയാണ് ചിത്രങ്ങൾ പങ്കുവച്ചിരിക്കുന്നത്. നിരവധി കമന്റുകളും ലൈക്കുകളുമാണ് ഫോട്ടോയ്ക്ക് ഇതിനോടകം ലഭിച്ചിരിക്കുന്നത്. സാരിയിൽ നിഖില അതിസുന്ദരിയായിരിക്കുന്നുവെന്നാണ് പലരും പറയുന്നത്.

നിഖിലയുടെ ആദ്യ സിനിമ ഭാഗ്യദേവത ആയിരുന്നു. പിന്നീട് ദിലീപ് ചിത്രത്തിലൂടെ നായികയായി എത്തി. പിന്നീട് നിരവധി മലയാള ചിത്രങ്ങളിൽ നിഖില അഭിനയിച്ചു.

സിബി മലയിലിന്റെ കൊത്ത് ആണ് നിഖിലയുടെ ഇനി പുറത്തുവരാനുള്ള ചിത്രം. നിഖിലയുടേതായി ഒരു തമിഴ് ചിത്രത്തിന്റെ ഷൂട്ടിങ് കൂടി പുരോഗമിക്കുന്നുണ്ട്.