ബറോസിന്റെ ഏറ്റവും പുതിയ അപ്ഡേറ്റുകള് പങ്കുവെച്ച് മോഹന്ലാല്.
|
|
Written By
|
News
.webp "ബറോസിന്റെ ഏറ്റവും പുതിയ അപ്ഡേറ്റുകള് പങ്കുവെച്ച് മോഹന്ലാല്.")
മോഹന്ലാല് ആദ്യമായി സംവിധാനം ചെയ്യുന്നുവെന്ന പ്രത്യേകത കൊണ്ടുതന്നെ വാര്ത്തകളില് നിറഞ്ഞു നില്ക്കുകയാണ് ബറോസ്. മാര്ച്ച് 24ന് നടന്ന ബറോസിന്റെ ഒഫിഷ്യല് ലോഞ്ചും അതിനു ശേഷമുള്ള ഓരോ വിവരങ്ങളും ആരാധകര് ആവേശത്തോടെയാണ് സ്വീകരിക്കുന്നത്.
2019 ഏപ്രിലില് ഔദ്യോഗികമായി പ്രഖ്യാപിച്ച 'ബറോസ്' മോഹന്ലാലിന്റെ സ്വപ്ന പ്രോജക്ട് ആണ്. ചിത്രത്തില് പ്രധാന കഥാപാത്രമായി മോഹന്ലാലും എത്തുന്നു. സന്തോഷ് ശിവനാണ് ഛായാഗ്രാഹകന്. ചിത്രം പോര്ച്ചുഗീസ്, ചൈനീസ് ഉള്പ്പെടെ 15 മുതല് 20 ഭാഷകളിലേക്ക് ഡബ്ബ് ചെയ്ത് സബ് ടൈറ്റിലോടുകൂടി പുറത്തുവരുമെന്ന റിപ്പോര്ട്ടുകള് പുറത്തുവന്നിരുന്നു.
ഇപ്പോള് ഇതാ ചിത്രവുമായി ബന്ധപ്പെട്ട കൂടുതല് വിവരങ്ങള് പങ്കുവെച്ചിരിക്കുകയാണ് മോഹന്ലാല്. ചിത്രം ഈ വര്ഷം തന്നെ സെന്സര് ചെയ്യാനാണ് ശ്രമമെന്ന് മോഹന്ലാല് പറഞ്ഞു. ഇന്ത്യയിലും തായ്ലന്ഡിലുമായാണ് പോസ്റ്റ് പ്രൊഡക്ഷന് വര്ക്കുകള് നടക്കുന്നത്. മ്യൂസിക് മിക്സ് ചെയ്യേണ്ടത് ലോസ് ഏഞ്ചല്സിലാണെന്നും സെന്സറിംഗ് ഈ വര്ഷം പൂര്ത്തിയായാല് അടുത്ത വര്ഷം മാര്ച്ചിനുള്ളില് സിനിമ കൊണ്ടുവരുമെന്നും മോഹന്ലാല് പറഞ്ഞു.
ടി.കെ രാജീവ് കുമാറിനൊപ്പം 3ഡി നാടകം ചെയ്യാനുള്ള ആലോചന നടക്കുന്ന സമയത്താണ് ജിജോ ബറോസിന്റെ ആശയവുമായി എത്തിയതെന്ന് മോഹന്ലാല് പറഞ്ഞു. ആശിര്വാദ് സിനിമാസിന്റെ യൂട്യൂബ് ചാനലിലൂടെ പുറത്തിറക്കിയ അഭിമുഖത്തിലാണ് മോഹന്ലാല് ഇക്കാര്യങ്ങള് പങ്കുവെച്ചത്.
ബിഗ് ബജറ്റ് ത്രീഡി ഫാന്റസിയായി എടുക്കുന്ന ഈ ചിത്രത്തില് പാസ് വേഗ, റാഫേല് അമാര്ഗോ എന്നീ സ്പാനിഷ് താരങ്ങളും അഭിനയിക്കുന്നു. ഇതുവരെ കണ്ടിട്ടില്ലാത്ത മേക്കോവറിലാണ് മോഹന്ലാല് ബറോസിലെത്തുന്നത്. വാസ്കോഡ ഗാമയുടെ നിധി സൂക്ഷിപ്പുകാരനായ ബറോസ് എന്ന ഭൂതത്തിന്റെ കഥയാണ് ചിത്രം പറയുന്നത്.
നിധി തേടി ഒരു കുട്ടി ബറോസിനു മുന്നിലെത്തുന്നതാണ് കഥയുടെ പ്രമേയം. ബറോസ്: ഗാര്ഡിയന് ഓഫ് ഡി'ഗാമാസ് ട്രെഷര് എന്ന പേരിലെ നോവല് അടിസ്ഥാനമാക്കിയാണ് ചിത്രം ഒരുങ്ങുന്നത്. ബറോസ് എന്ന ഭൂതമായാണ് മോഹന്ലാല് വേഷമിടുന്നത്. 40 വര്ഷത്തെ അഭിനയ ജീവിതത്തിലെ മുഴുവന് അനുഭവവുമായാണ് മോഹന്ലാല് സംവിധാന മേഖലയിലേക്ക് തിരിഞ്ഞത്.
Related Stories
See All
Latest Update
