മോഹന്ലാലും ലിജോ ജോസും ഒന്നിക്കുന്നു? ആരാധകരെ ആവേശത്തിലാക്കി പുതിയ വാര്ത്ത.
|
|
Written By
|
News
ചുരുങ്ങിയ കാലയളവിനുള്ളില് തന്നെ മലയാളത്തിന്റെ സിനിമാ സങ്കല്പ്പങ്ങള് മാറ്റിമറിച്ച സംവിധായകനാണ് ലിജോ ജോസ് പെല്ലിശ്ശേരി. ആമേന്, അങ്കമാലി ഡയറീസ്, ഈമയു, ജെല്ലിക്കെട്ട് എന്നീ ചിത്രങ്ങള് വലിയ പ്രേക്ഷക പ്രശംസ പിടിച്ചുപറ്റിയിരുന്നു. ചുരുളി എന്ന ചിത്രത്തിലൂടെയാണ് ലിജോ ജോസ് മലയാള സിനിമയില് പുതിയ ആഖ്യാനങ്ങള് അവതരിപ്പിച്ചത്.
മമ്മൂട്ടി നായകനായ 'നന് പകല് മയക്കം' എന്ന സിനിമയാണ് ലിജോ ജോസ് പെല്ലിശ്ശേരിയുടെ സംവിധാനത്തില് ഇനി പുറത്തിറങ്ങാനുള്ളത്. മമ്മൂട്ടിയുടെ നിര്മാണ കമ്പനിയായ മമ്മൂട്ടി കമ്പനിയും ലിജോ ജോസ് പെല്ലിശ്ശേരിയുടെ അമേന് മൂവി മൊണാസ്ട്രിയും ചേര്ന്നാണ് ചിത്രത്തിന്റെ നിര്മാണം. ലിജോയുടെ കഥയ്ക്ക് എസ്. ഹരീഷാണ് തിരക്കഥയും സംഭാഷണവും ഒരുക്കിയിരിക്കുന്നത്.
തമിഴ് പശ്ചാത്തലത്തില് ഒരുക്കുന്ന ചിത്രം പഴനി, കന്യാകുമാരി എന്നിവടങ്ങളിലായി ഒറ്റ ഷെഡ്യൂളിലാണ് ചിത്രീകരണം പൂര്ത്തിയാക്കിയത്. മമ്മൂട്ടിയെ കൂടാതെ രമ്യ പാണ്ട്യന്, അശോകന്, വിപിന് അറ്റ്ലി, രാജേഷ് ശര്മ എന്നിവരും ചിത്രത്തില് പ്രധാനവേഷത്തിലെത്തുന്നു.
ഇപ്പോള് ഇതാ നന്പകല് നേരത്ത് മയക്കത്തിന് ശേഷം ലിജോ ജോസ് മോഹന്ലാലുമായി കൈകോര്ക്കുന്നു എന്ന വിവരമാണ് പുറത്തുവരുന്നത്. മോഹന്ലാല് - ലിജോ ജോസ് പെല്ലിശ്ശേരി ചിത്രം ചര്ച്ചയിലെന്ന് പ്രമുഖ ട്രേഡ് അനലിസ്റ്റ് ശ്രീധര് പിള്ളയാണ് ട്വീറ്റ് ചെയ്തിരിക്കുന്നത്.
2023 ജനുവരിയില് സിനിമയുടെ ചിത്രീകരണം ആരംഭിക്കുമെന്നാണ് വിവരം. ജീത്തു ജോസഫ് സംവിധാനം ചെയ്യുന്ന 'റാം' എന്ന ചിത്രം പൂര്ത്തിയാക്കിയതിന് ശേഷമാകും മോഹന്ലാല് - ലിജോ ജോസ് പെല്ലിശ്ശേരി ചിത്രം ആരംഭിക്കുക എന്നാണ് ശ്രീധര് പിള്ള ട്വീറ്റ് ചെയ്തിരിക്കുന്നത്. എന്നാല് ഇക്കാര്യത്തില് ഔദ്യോഗിക പ്രതികരണങ്ങള് വന്നിട്ടില്ല.
Related Stories
See All
Latest Update
