അതീവ ഗ്ലാമര്‍ ലുക്കില്‍ സ്റ്റൈലിഷ് ആയാണ് മീര ഓരോതവണയും പ്രത്യക്ഷപ്പെടുന്നത്. പഴയതിനേക്കാള്‍ കൂടുതല്‍ സുന്ദരിയായിട്ടുണ്ടെന്നായിരുന്നു തിരിച്ചുവരവിലെ ചിത്രങ്ങള്‍ കണ്ടപ്പോള്‍ തന്നെ ആരാധകര്‍ പറഞ്ഞത്.

സോഷ്യല്‍ മീഡിയയില്‍ സജീവമായ മീര തന്റെ പുതിയ ചിത്രങ്ങളെല്ലാം പങ്കുവെക്കാറുണ്ട്. അതീവ ഗ്ലാമറസായുള്ള ചിത്രങ്ങള്‍ വൈറലാകാറുമുണ്ട്. അത്തരത്തില്‍ പങ്കുവെച്ച പുതിയ ചിത്രങ്ങളാണ് ഇപ്പോള്‍ വൈറലായിരിക്കുന്നത്. 

ഫ്രോക്കണിഞ്ഞ് അതീവ സുന്ദരിയായുള്ള ചിത്രങ്ങളാണ് മീര ആരാധകരുമായി പങ്കുവെച്ചിരിക്കുന്നത്. ഇളം ബ്രൗണ്‍ നിറത്തിലുള്ള ഫ്രോക്കിലെത്തിയ മീര മെലിഞ്ഞോ എന്നാണ് ആരാധകര്‍ ചോദിക്കുന്നത്. നിങ്ങളുടേതായ രീതിയില്‍ ബിന്ദുക്കളെ ബന്ധിപ്പിച്ചോളൂ എന്ന ക്യാപ്ഷനോടെ എത്തിയ ചിത്രങ്ങള്‍ ആരാധകര്‍ ഏറ്റെടുത്തു കഴിഞ്ഞു. 

2016ല്‍ പുറത്തിറങ്ങിയ പത്ത് കല്‍പനകളിലാണ് മീര ജാസ്മിന്‍ അവസാനമായി മുഴുനീള കഥാപാത്രത്തെ അവതരിപ്പിച്ചത്. 2018ല്‍ പുറത്തിറങ്ങിയ പൂമരം എന്ന സിനിമയില്‍ അതിഥിവേഷത്തിലും എത്തിയിരുന്നു. 

അടുത്തിടെ കാരവാനില്‍ നിന്നുള്ള താരത്തിന്റെ ഡാന്‍സും വൈറലായിരുന്നു. തിരിച്ചുവരവിന് പിന്നാലെ മീര പങ്കുവയ്ക്കുന്ന ചിത്രങ്ങള്‍ നിമിഷ നേരംകൊണ്ടാണ് വൈറലാകുന്നത്.