സിദ്ധാര്ത്ഥ് ഭരതന് സംവിധാനം ചെയ്യുന്ന ചതുരം സെപ്റ്റംബര് 16ന് റിലീസ് .
|
|
Written By
|
News
സിദ്ധാര്ത്ഥ് ഭരതന് സംവിധാനം ചെയ്യുന്ന 'ചതുരം' സിനിമയുടെ റിലീസ് തീയതി പ്രഖ്യാപിച്ചു. സ്വാസിക, റോഷന് എന്നിവര് കേന്ദ്ര കഥാപാത്രങ്ങളായെത്തുന്ന ചിത്രം സെപ്റ്റംബര് 16ന് റിലീസ് ചെയ്യും. റിലീസ് വിവരം പങ്കുവെച്ചു കൊണ്ടുള്ള പോസ്റ്റര് സിദ്ധാര്ത്ഥ് തന്നെയാണ് പങ്കുവെച്ചിരിക്കുന്നത്.
അലന്സിയര്, ശാന്തി ബാലചന്ദ്രന് എന്നിവരാണ് ചിത്രത്തിലെ മറ്റ് പ്രധാനതാരങ്ങള്. 2019-ലെ സാഹിത്യ അക്കാദമി അവാര്ഡ് ജേതാവ് വിനോയ് തോമസും സിദ്ധാര്ത്ഥ് ഭരതനും ചേര്ന്ന് രചന നിര്വഹിച്ചിരിക്കുന്ന ചിത്രം ഗ്രീന്വിച്ച് എന്റര്ടെയ്ന്മെന്റ്സും യെല്ലോ ബേര്ഡ് പ്രൊഡക്ഷനും ചേര്ന്നാണ് നിര്മിക്കുന്നത്. നേരത്തെ പുറത്തിറങ്ങിയ ചതുരത്തിന്റ ടീസറിന് മികച്ച പ്രതികരണം ലഭിച്ചിരുന്നു. ചിത്രത്തിന് എ സര്ട്ടിഫിക്കറ്റാണ് ലഭിച്ചിരിക്കുന്നത്.
ഛായാഗ്രഹണം പ്രദീഷ് വര്മ്മ, സംഗീതം പ്രശാന്ത് പിള്ള, എഡിറ്റര് ദീപു ജോസഫ്, വസ്ത്രാലങ്കാരം സ്റ്റേഫി സേവ്യര്, കലാ സംവിധാനം അഖില് രാജ് ചിറയില്, മേക്കപ്പ് അഭിലാഷ് എം., പ്രൊഡക്ഷന് കണ്ട്രോളര് മനോജ് കാരന്തൂര്, അസ്സോസിയേറ്റ് ഡയറക്ടര് അംബ്രോ, ശബ്ദ രൂപകല്പന വിക്കി, ശബ്ദ മിശ്രണം എം.ആര്. രാജകൃഷ്ണന്, സ്റ്റില്സ് ജിതിന് മധു, പ്രൊമോഷന്സ് പപ്പെറ്റ് മീഡിയ, ടൈറ്റില് ഡിസൈന് സീറോ ഉണ്ണി.
Related Stories
See All
Latest Update
